မိထွေးမေမေ

မိထွေး၊ ပထွေးဆိုတဲ့ အသုံးအနှုန်းဟာ သားသမီးရှိနေပြီးသား မိသားစုဘ၀ထဲဝင်ရောက်သွားတဲ့ အမျိုးသမီး ဒါမှမဟုတ် အမျိုးသားတွေကို ရည်ညွှန်းတံဆိပ်ကပ်လိုက်တာလို့ ကျွန်မစိတ်ထဲ မကြာခဏ ခံစားရပါတယ်။

ကျွန်မယောက်ျားနဲ့ကျွန်မအတူနေခဲ့တာ ခြောက်နှစ်ကြာပါပြီ။ခင်ပွန်းနဲ့အတူပါလာတဲ့သားသမီးငယ်လေးတွေ ကို လူလားမြောက်လာတဲ့အထိ ပြုစုပျိုးထောင်ပေးခဲ့တယ်။ 

သူတို့လေးတွေဟာ နဂိုက သူတို့ရဲ့မိခင်နဲ့အတူနေခဲ့ကြပေမယ့် ကာလတော်တော်များများဟာကျွန်မတို့နဲ့ အတူတူ ကုန်ဆုံးဖြတ်သန်းခဲ့ပါတယ်။ နှစ်တော်တော်ကြာ ကျွန်မတို့အားလုံး တစ်ဦးနဲ့တစ်ဦး အဆင်ပြေ ညီညွှတ်ဖို့၊ မိသားစုသစ်နဲ့ အံဝင်ဖို့ ကြိုးစားလုပ်ယူခဲ့ရတယ်။

အားလပ်ရက်တွေကိုအားလုံးပျော်ပျော်ရွှင်ရွှင်နဲ့ဖြတ်သန်းကြတယ်။အတူတူချက်ပြုတ်စားသောက်ကြတယ်။ အိမ်သန့်ရှင်းရေးတွေအတူတူလုပ်ကြတယ်။ ဘေ့စ်ဘောကစားကြတယ်။ဗီဒီယိုဇာတ်ကားတွေငှားကြည့်ကြတယ်။ 

ဒါပေမယ့် ကျွန်မကိုယ်တိုင်ကတော့ သူများနယ်မြေကိုသွားပြီးကျူးကျော်နေတဲ့ အပြင်လူတစ်ယောက်လို ခံစားနေရတုန်းပါပဲ။ 

ကျွန်မမပါတဲ့မိသားစုအတွင်းစည်းမှာကျွန်မအတွက် ဖြတ်ကျော်လို့မရနိုင်တဲ့ကန့်သတ်နယ်စည်းတစ်ခု ခြားနေတယ်လို့ ခံစားရတယ်။ 

 ကျွန်မကိုယ်တိုင်ကတော့ သားသမီးမထွန်းကားတာမို့ မိဘနေရာကနေ အုပ်ထိန်းရတဲ့အတွေ့အကြုံဆိုလို့ ခင်ပွန်းသည်ရဲ့ သားသမီးလေးယောက်ပဲရှိတာပါ။ တစ်ခါတစ်လေလည်း ကျွန်မ ၀မ်းနည်းမိတယ်။ မိဘနဲ့ သားသမီးကြားမှာရှိနေတဲ့သံယောဇဉ်ကိုငါဘယ်တော့မှသိနိုင်မှာမဟုတ်ပါဘူးလေလို့ တွေးမိပြီးတော့ပေါ့။

ကလေးတွေကြီးလာလို့တစ်ခြားမြို့ကိုပြောင်းသွားတဲ့အခါမှာတော့ကျွန်မယောက်ျားခင်မျာရင်ကွဲပက်လက်ဖြစ်ပြီး ကျန်ခဲ့ရှာတယ်။ ကလေးတွေနဲ့ ပုံမှန်အဆက်အသွယ်ရဖို့ အင်တာနက် အီးမေးလ်စနစ်ကို ကျွန်မတို့စပြီး သုံးလိုက်ကြပါတယ်။ နေ့စဉ်အတွေ့အကြုံလေးတွေကို အီးမေးလ်ကနေတစ်ဆင့် အပြန်အလှန်ပေးပို့ကြ တယ်။ အွန်လိုင်းပေါ်မှာ အားလုံးဆုံကြတဲ့အခါ စာရေးပြီး စကားတွေ အပြန်အလှန်ပြောဖြစ်ကြတယ်..
လက်တွေ့မှာတော့ ဒီလိုခေတ်မီ ဆက်သွယ်ရေးစနစ်တွေဟာ အပြင်မှာ လူချင်းတွေ့ပြီးပြောတာလောက် အားရနွေးထွေးမှုမရှိလှပါဘူး။ ကွန်ပျူတာထဲမှာ “ဖေဖေ” လို့ အစချီပြီး ပို့လာတဲ့စာက ကျွန်မကို အမေ့ခံတစ်ယောက်လို၊ အပယ်ခံတစ်ယောက်လို ခံစားရစေပါတယ်။ 

ကျွန်မခင်ပွန်းနဲ့အတူ ကျွန်မရဲ့နာမည်ပါ ပူးတွဲပါလာတဲ့အခါမျိုးမှာဆိုရင် ကျွန်မအတွက် အပျော်ဆုံးနေ့ဖြစ်ရ ပါတော့တယ်။ကျွန်မကိုယ်တိုင်ဟာလည်းမိသားစုဝင်တစ်ဦးလိုခံစားလာရပါတယ်။ဒါပေမယ့်ကျွန်မတို့ကြားထဲမှာတော့ စည်းကြီးတစ်ခုခြားနေဆဲပါပဲ။

တစ်ညမှာ ယောက်ျားဖြစ်သူ တယ်လီဗေးရှင်းကြည့်ရင်း အိပ်ပျော်သွားတာမို့ သူ့အစား ကျွန်မကပဲ အီးမေးလ်ကိုလက်ခံလိုက်ပါတယ်။အွန်လိုင်းပေါ်တက်လိုက်ရင်ပဲအီးမေးလ်တစ်စောင် ရောက်နေတာကို တွေ့လိုက်ရပါတယ်။ သမီးကြီးမာဂိုဆီကပါ၊ သူလည်း ညဥ့်နက်မှ အင်တာနက်သုံးနေဟန်ရှိပါတယ်။ 

အရင်ကလိုပဲစကားပြောတဲ့Chat Box လေးထဲမှာအပြန်အလှန်စာရေးပြီး ပြောကြတယ်။ နောက်ဆုံးရ သတင်းေ လးတွေကို အပြန်အလှန်ပြောပြကြတယ်။ တစ်ခုရှိတာက အဲဒီလိုမျိုး အပြန်အလှန်စာရေးပြီး စကားပြောတဲ့အခါမှာ တစ်ဘက်နဲ့တစ်ဘက် မမြင်ရတာလဲပါတယ်။ သမီးကြီးကိုယ်တိုင်ကလည်း ဒီဘက်မှာ သုံးနေတာကို ဘယ်သူ ဘယ်ဝါလဲဆိုပြီး မမေးခဲ့တဲ့အတွက်.. သူ့အဖေလား၊ ကျွန်မလားဆိုတာ သေသေချာချာသိဟန်မတူပါဘူး။ (သူ့အဖေလို့ပဲ ထင်နေပုံရပါတယ်..)
အဲဒီညက သမီးကြီးကိုယ်တိုင်က မမေးခဲ့သလို၊ ကျွန်မကိုယ်တိုင်ကလည်း သူ့အဖေမဟုတ်ဘူးဆိုတာကို ထုတ်မပြောခဲ့ပါဘူး။

 ဘောလီဘော နောက်ဆုံးရသတင်းတွေ၊သမီးကြီးကသူတို့ကျောင်းမှာလုပ်မယ့်ကပွဲအကျောင်းတွေပြောကြပြီးတဲ့နောက်မှာ ညဥ့်နက်နေပြီမို့ အိပ်ရာဝင်သင့်ပြီဆိုတဲ့အကြောင်း ပြောလိုက်ပါတယ်။ 

သမီးကြီးက “ဟုတ်ကဲ့ပါ၊ နောက်မှပဲ ဆက်ပြောကြမယ်နော်၊ ချစ်တယ်” တဲ့..။
ဒီစာကိုဖတ်ပြီး ကျွန်မ လှိုက်ခနဲဝမ်းနည်းသွားတယ်၊ ကျွန်မသိလိုက်ပါပြီ၊ သမီးကြီးဟာ တစ်ချိန်လုံး သူ့အဖေနဲ့စကားပြောနေတာလို့ ထင်နေခဲ့တာကိုး။ ဘာလို့လဲဆိုတော့ ကျွန်မနဲ့ သမီးကြီးကြားမှာ အဲဒီလိုမျိုး တီတီတာတာစကားတွေ ဘယ်တုန်းကမှ မပြောခဲ့ဖူးလို့ပါပဲ။ 

သူ့ကို ကျွန်မ ဘယ်သူဘယ်ဝါဆိုတာ ရှင်းရှင်းလင်းလင်းမပြောမိခဲ့တဲ့အတွက်လည်း အပြစ်ကျူးလွန်မိသလို ခံစားရပါတယ်။ 

ဒါပေမယ့် အခုမှ ဖွင့်ပြောလိုက်လို့ သမီးကြီးရှက်ရွှံ့သွားတာမျိုးကိုလည်း ကျွန်မ မလိုလားပါဘူး။ ကျွန်မလည်း သူ့ကိုရိုးရိုးလေးပဲ စာပြန်လိုက်ပါတယ်။ 

“သမီးကိုလည်း ချစ်ပါတယ်။ ကောင်းကောင်းအိပ်ပျော်ပါစေကွယ်”လို့။
ကျွန်မထပ်ပြီး အတွေးနယ်ချဲ့မိပါတယ်။ ကျွန်မဟာသူတို့ရဲ့မိသားစုထဲကိုမဖိတ်ခေါ်ဘဲကိုယ့်သဘောနဲ့ကိုယ် ၀င်ရောက်လာတဲ့ လူစိမ်းတစ်ယောက်ပါလား။ 

ကျွန်မစိတ်ထဲမှာ ဘာမှမရှိတော့သလို ဟာတာတာကြီးခံစားလိုက်ရတယ်။ တစ်မျိုးကြီးပါပဲ။

 နောက်တော့ ကွန်ပျူတာကို ပိတ်တော့မယ်ဆိုပြီး လက်တွေက ကီးဘုတ်ပေါ် အရောက် သမီးကြီးရဲ့ စာတစ်စောင်ပေါ်လာတယ်။

 ကြည့်ပါဦး “ဖေဖေ့ကိုလည်း သမီးအစားပြောပေးပါဦးနော်၊ ဂွတ်နိုက်ပါပဲ” တဲ့..။ မျက်ရည်တွေဝဲတက်လာလို့ေ၀၀ါးနေတဲ့မျက်လုံးတွေနဲ့အတူကွန်ပျူတာကိုကျွန်မပိတ်လိုက်ပါတော့တယ်..။ ။

<စည်သူ>

By Judy E.Carter

ကိုးကား။ ။ Chicken soup for the soul

ပင်လယ်သေသို့ ရေပေးသွင်းမည့်စီမံကိန်း အစ္စရေး၊ ဂျော်ဒန်နှင့်ပါလက်စတိုင်းတို့ သဘောတူညီချက်ရရှိ

ဒီဇင်ဘာ ၁၀၊ ဂျရုရှလင်

Dead Sea လို့ခေါ်တဲ့ ပင်လယ်သေမှာ တစ်စတစ်စ ရေခမ်းခြောက် လာနေပြီ ဖြစ်ပါတယ်..။
အဲဒီလို ရေခမ်းလာတဲ့ ပင်လယ်သေထဲကို ပင်လယ်နီ (Red Sea) ထဲက ရေတွေ ပိုက်နဲ့သွယ်တန်းပြီး ရေပေးသွင်းဖို့ အစ္စရေး၊ ဂျော်ဒန်နဲ့ ပါလက်စတိုင်း အစိုးရတွေ တနင်္လာနေ့က သဘောတူ လက်မှတ်ထိုးလိုက်ကြ ပါပြီ။
ပင်လယ်နီထဲက စုပ်ယူလိုက်တဲ့ပင်လယ်ရေငန်တွေကို ရေချိုအဖြစ်ပြောင်းပြီး (desalination လုပ်ပြီး) မှ ပင်လယ်သေထဲကို ပိုက်နဲ့သွယ်ပြီး သွင်းမှာပါ။

ပင်လယ်သေဟာ ဆားငန်နှုန်းပမာဏများတာကြောင့်မို့ လူတွေ ရေပေါ်မှာ ပေါ်လောပေါ်ပြီး နေနိုင်ကြပါတယ်..။ တစ်ချို့ဆို ရေပေါ်မှာ ပက်လက်အိပ်ပြီး စာအုပ်ဖတ်၊ ဓာတ်ပုံရိုက်ခံကြတာမျိုးတောင်ရှိပါတယ်..။

ပင်လယ်သေမှာ ရေလျော့ပါးလာရတဲ့ အဓိကအကြောင်းကတော့ ဒီပင်လယ်သေကြီးကို အမှီပြုနေတဲ့ ပတ်ဝန်းကျင်ဒေသကလူတွေဟာ စိုက်ပျိုးရေးတွေ လုပ်လာကြတာကြောင့်မို့လို့သိရပါတယ်..။ ပင်လယ်သေဟာ ဒီလိုမျိုး ရေလျော့နည်းလာတာ ဆယ်စုနှစ်နဲ့ချီပြီး ကြာနေပါပြီ၊ တစ်နှစ်ကို ၁ မီတာနှုန်းနဲ့ လျော့လာတာဖြစ်ပါတယ်..။

နောက်.. ပင်လယ်သေဟာ ပင်လယ်ရေမျက်နှာပြင်အောက် မီတာ ၄၀၀ လောက် မြေနိမ့်ပိုင်းမှာရှိတာကြောင့် သဘာဝအနေအထားအရကိုက ပင်လယ်နီကရေတွေကို အလွယ်တကူ ထည့်သွင်းနိုင်မယ်လို့ ပညာရှင်တွေ တွက်ချက်ထားကြပါတယ်..။

စည်သူ

ဖတ်ရှုပေးသူများကို ကျေးဇူးအထူး တင်ရှိပါတယ်..။

ထူးခြားသည့်အမေရိကန်သမ္မတသုံးဦး

စစ်ဘက်သုံး ဘိုးရင်းလေယာဉ်ကြီး C-17 Globemaster III

-ဘိုးရင်း C-17 Globemaster III ဟာ ကြီးမားတဲ့ စစ်ဘက်သုံး သယ်ယူပို့ဆောင်ရေး လေယာဉ်ဖြစ်ပါတယ်။

၁၉၈၀ နဲ့ ၉၀ ခုနှစ်တွေတုန်းက မက်ဒေါ်နယ်ဒေါက်ကလပ် လေယာဉ်ထုတ် လုပ်ငန်းကြီးကနေ အမေရိကန် လေတပ် (USAF) အတွက် ထုတ်လုပ်ပေးခဲ့တာ ဖြစ်ပါတယ်..။

C-17 Globemaster III ကြီးကို အရင်က ပစ္စတင်အင်ဂျင်သုံး ကုန်တင်လေယာဉ်ကြီးတွေဖြစ်တဲ့ C-74 Globemaster နဲ့ C-124 Gblobmaster II တို့ကို အစွဲပြုပြီး နာမည်ပေးထားတယ်လို့သိရပါတယ်..။

များသောအားဖြင့် C-17 ကို မဟာဗျူဟာမြောက် လေကြောင်းမစ်ရှင်တွေလွှတ်ချင်တဲ့အခါမျိုး၊ ကမ္ဘာတစ်ဝန်းကို တပ်ဖွဲ့ဝင်စေလွှတ်တဲ့အခါမျိုး၊ ကုန်ပစ္စည်းတွေ သယ်ယူပို့ဆောင်ပေးတဲ့အခါမျိုး၊ ဒဏ်ရာရသူတွေကိုကူညီကယ်ဆယ်ပေးတာနဲ့ လေကြောင်းကတစ်ဆင့် ထောက်ပံ့ကူညီရေး ပစ္စည်းတွေ ကြဲချပေးတဲ့အခါမျိုးတွေမှာ သုံးလေ့ရှိပါတယ်..။

လက်ရှိအချိန်မှာ C-17 ကို အမေရိကန်လေတပ်၊ ဗြိတိန်၊ သြစတြေးလျ၊ ကနေဒါ၊ ကာတာ၊ ယူအေအီး၊ နေတိုးနိုင်ငံတကာလေတပ်(HAW) နဲ့ အိန္ဒိယ နိုင်ငံတို့မှာ အသုံးပြုနေကြပါတယ်..။

C-17 ဟာ အရှည် ၁၇၄ ပေ(၅၃ မီတာ)၊ တောင်ပံအလျား ပေ ၁၇၀ (၅၂ မီတာ) လောက်ရှိပါတယ်။ လေယာဉ်ကြီးကို ကိုင်တွယ်မောင်းနှင်ဖို့ လေယာဉ်မှူးတစ်ဦး၊ တွဲဖက်လေယာဉ်မှူးတစ်ဦးနဲ့ Loadmaster တစ်ဦးတို့ လိုအပ်ပါတယ်။

တစ်နာရီကို ၈၃၃ ကီလိုမီတာ (မိုင် ၅၀၀ ကျော်) မောင်းနှင်နိုင်ပြီး လေထီး တပ်သား ၁၀၂ ဦးကို ကြဲချပေးနိုင်အောင် ဒီဇိုင်းဆွဲဆောက်လုပ်ထားတာ ဖြစ်ပါတယ်။ လေယာဉ်ကြီးပေါ်မှာ ၆၉ တန်လောက်ရှိတဲ့ M1 Abrams လို တိုက်ပွဲဝင် တင့်ကားကြီးတွေအပြင် တခြား လက်နက်တပ်ဆင်ထားတဲ့ စစ်သုံးမော်တော်ယာဉ်တွေ၊ ကုန်ကား တွေနဲ့ နောက်တွဲယာဉ်တွေ တင်ထားနိုင်တယ်လို့လည်း သိရပါတယ်..။ နောက်ပြီး ဒီလို လေယာဉ်မျိုးကို ပိုင်ဆိုင်ရင် ကမ္ဘာ့စစ်အင်အား ကြီး နိုင်ငံထဲမှာ ပါဝင်တယ်လို့လည်း ဆိုပါတယ်..။

ပုံမှာတွေ့ရတာက C-17 Globemaster III နဲ့ သူ့ရဲ့ အတွင်းပိုင်းဖြစ်ပါတယ်..။ မူရင်းပုံက resolution အရမ်းကောင်းတယ်။ ဖေ့စ်ဘွတ်ပေါ်တင်လို့ရအောင် ပုံနှစ်ပုံကို ဆက်ပြီး ချုံ့လိုက်ရတယ်..။

Ref: Wikipedia

စည်သူ

(လောလောဆယ် ဖတ်ထားမိတာလေးကို ဘာသာကောက်ပြန်ပြီးတင်လိုက်တာပါ..။ လိုအပ်ချက်ရှိရင်လည်း ပြောကြပါဦးနော)

ဆီပူထဲလက်နှစ်ပြီး ငါးကြော်ပြတဲ့ အာဂအကြော်ဆရာ

ဒီဇင်ဘာ ၁၉၊ နယူးဒေလီ

- အိန္ဒိယနိုင်ငံ Old Delhi လို့ခေါ်တဲ့အရပ်မှာနေတဲ့ အသက် ၆၅ နှစ်အရွယ် အကြော်ဆရာ ပရမ်ဆင်းဟာ အပူချိန် ၂၀၀ စင်တီဂရိတ်လောက်ရှိတဲ့ ဆီပူထဲမှာ လက်နှစ်ပြီး ငါးကြော်ကိုဆယ်ယူနိုင်စွမ်းရှိတဲ့သူဖြစ်ပါတယ်။

သူဟာ ဒီအလုပ်ကို လုပ်နေတာ ၂၅ နှစ်ရှိပြီလို့ ဆိုထားပါတယ်။ လာဝယ်ကြတဲ့ လူအများစုကလည်း အဲဒီလိုမျိုး ပွက်ပွက်ဆူနေတဲ့ ဆီအိုးထဲ လက်နှစ်ပြီး မစ္စတာပရမ်ဆင်း ငါးကြော်ပြတာကို ကြည့်ကြတာကြောင့် လို့သိရပါတယ်။

ဆီပူထဲကို လက်နှစ်ပြီး ငါးကြော်ပြနေပေမယ့် မစ္စတာပရမ်ဆင်းဟာ ဆီပူလောင်တဲ့ဒဏ်ရာမရဘူးလို့ဆိုပါတယ်။

နောက်ပြီး ဒီလိုမျိုး ငါးကြော်တဲ့နည်းပညာကို သူ့သားတွေက ဆက်ခံသွားလိမ့်မယ်လို့လည်း မျှော်လင့်ထားတယ်လို့ မစ္စတာ ပရမ်ဆင်းက ဆိုပါတယ်။

စည်သူ

၂၁ ရာစု၏အကြီးကျယ်ဆုံး ရှာဖွေတွေ့ရှိမှုကြီးဖြစ်သည့် ရေအောက်မြို့ဟောင်း

- ထရွိုင်မြို့တော်ကကြီးက ထရိုဂျန်မင်းသားပါရီနဲ့ဇနီး ဟယ်လင်မင်းသမီး သွားရောက်လည်ပတ်ခဲ့တဲ့ တစ်ချိန်က ဟီရာကလဲယွန်မြို့ကို ရေအောက်မှာ ပြန်တွေ့ခဲ့တယ်လို့သိရပါတယ်။

ပြင်သစ်အဏ္ဏ၀ါရှေးဟောင်းသုတေသနပညာရှင်ဖရန့်ဂေါ်ဒီယိုဟာ ၁၇၉၈ ခုနှစ် နိုင်းမြစ်တိုက်ပွဲတုန်းက နယ်လ်ဆင်ကိုရှုံးနိမ့်ခဲ့တဲ့ နပိုလီယံရဲ့သင်္ဘောတွေကို လိုက်လံရှာဖွေရာကနေ အမှတ်မထင် ဒီရေအောက်မြို့ဟောင်းကြီးကို ပြန်ရှာတွေ့ခဲ့တာပဲဖြစ်ပါတယ်။

ဒီမြို့ဟောင်းကြီးဟာ အေဒီ ၆ ရာစု ဒါမှမဟုတ် ၇ ရာစုလောက်တုန်းက ရေအောက်ရောက်ခဲ့တာဖြစ်ကြောင်း သက်သေအထောက်အထားတွေ တွေ့ရှိခဲ့ပါတယ်။

ဟီရာကလဲယွန်ကို ရှာတွေ့တာဟာ မျက်မှောက်လူသားတွေအတွက် ရှေးခေတ်ကမ္ဘာနဲ့ပတ်သက်လို့ ပိုပြီး တိကျတဲ့အချက်အလက်တွေ၊ အထောက်အထားတွေ၊ ဗဟုသုတတွေရရှိစေခဲ့ပါတယ်။ ဘာဖြစ်လို့လဲဆိုရင် ဒီမြို့ဟောင်းကြီးမှာတွေ့ရတဲ့ ကျောက်စာတိုင်တွေမှာ ထွင်းထုထားတဲ့ အရုပ်စာတွေကို မပျက်မစီးအကောင်းပကတိတွေ့ရှိခဲ့လို့ပဲဖြစ်ပါတယ်။

(ပုံမှာမြင်ရတာကတော့ ရေအောက်မှာတွေ့မြင်ရတဲ့ မြို့ဟောင်းရဲ့ ဓာတ်ပုံအချို့ပဲဖြစ်ပါတယ်။)

စည်သူ

ကမ္ဘာ့ဝမ်းနည်းကြေကွဲဖွယ်အကောင်းဆုံး ပူလစ်ဇာဆုရဓာတ်ပုံ (1994 Pulitzer winning photo )

- ပုံမှာမြင်ရတာကတော့ ဆူဒန်နိုင်ငံက မိန်းကလေးငယ်တစ်ဦးဖြစ်ပါတယ်။

အစာငတ်မွတ်တဲ့ဒဏ်ကို အပြင်းအထန်ခံစားနေရရှာတာလည်းဖြစ်ပါတယ်။

တစ်ကီလိုမီတာ (ပေ ၃၂၈၀) အကွာမှာရှိတဲ့ ကုလသမဂ္ဂ စားနပ်ရိက္ခာပေးဝေရေးစခန်းကို တွားသွားနေတာပါ။ အဲဒီကလေးငယ် သေဆုံးသွားခဲ့ရင် ပွဲတော်တည်ဖို့ ဘေးမှာ လင်းတ တစ်ကောင်ကလည်း အသင့်စောင့်နေပါတယ်။

ဒီဓာတ်ပုံက တစ်ကမ္ဘာလုံးကို တုန်လှုပ်သွားစေခဲ့သလို အတွေးလည်း ပွားစေခဲ့ပါတယ်။စားနပ်ရိက္ခာစခန်းကို အဲဒီကလေးငယ် ရောက်အောင် သွားနိုင်ခဲ့လား၊ မသွားနိုင်ခဲ့ဘူးလားဆိုတာ ဓာတ်ပုံဆရာအပါအ၀င် ဘယ်သူမှ မသိခဲ့ကြပါဘူး။ ဘာကြောင့်လဲဆိုရင် ဓာတ်ပုံဆရာ ကီဗင်ကာတာဟာ ဓာတ်ပုံရိုက်ပြီးတာနဲ့ အဲဒီနေရာက ချက်ချင်းထွက်သွားခဲ့လို့ပါပဲ။

ဒါကြောင့်မို့ ကလေးငယ်ကို အကူအညီမပေးခဲ့တဲ့ ဓာတ်ပုံဆရာကို လူတွေက ၀ိုင်းပြီး ဝေဖန်ရှုတ်ချခဲ့ကြပါတယ်။ ဒီဓာတ်ပုံပေါ်ထွက်လာပြီး သုံးလလောက် ကြာတဲ့အချိန်မှာ ဓာတ်ပုံဆရာခမျာ စိတ်ဖိစီးမှုဒဏ်တွေကြောင့် မိမိကိုယ်ကို အဆုံးစီရင်သွားခဲ့တယ်လို့ ဆိုပါတယ်။

ဒီဓာတ်ပုံဟာ ၁၉၉၄ ခုနှစ်အတွက် ဓာတ်ပုံ ပူလစ်ဇာဆု ရရှိခဲ့တာဖြစ်ပါတယ်။

စည်သူ

 
























၂၀၁၃ ဇူလိုင်လလောက်တုန်းက ဖြစ်ပါတယ်။
 
ဂျပန်နိုင်ငံရဲ့ လူအသွားအလာရှုပ်ထွေးတဲ့မနက်ခင်းတစ်ခုမှာ ရထားနဲ့ ပလတ်ဖောင်းအကြား ရှစ်လက်မလောက် ဟနေတဲ့နေရာထဲကို အမျိုးသမီး တစ်ဦး ချော်ကျသွားခဲ့ပါတယ်။
အမျိုးသမီးပြုတ်ကျသွားတာကို ဘေးက မြင်လိုက်ရသူတွေနဲ့ ရထားစီးခရီးသည်တွေက အမျိုးသမီး ပြန်ပြီး လွတ်မြောက်လာစေဖို့ ရထားကို ၀ိုင်းဝန်းတွန်းမပေးခဲ့ကြပါတယ်။
ဒီလိုမျိုး စိတ်လှုပ်ရှား အားတက်ဖို့ ကောင်းတဲ့မြင်ကွင်းကို သတင်းစာ ဓာတ်ပုံဆရာတစ်ဦးက အမိအရ ရိုက်ယူခဲ့ပြီး Yomiuri နေ့စဉ်ထုတ် ညနေခင်း သတင်းစာမှာ ဖော်ပြခဲ့ပါတယ်။
ရထားနဲ့ပလတ်ဖောင်းကြားထဲကနေ ဘေးမသီ ရန်မခဘဲ အမျိုးသမီး ပြန်ပြီး လွတ်မြောက်လာတဲ့အချိန်မှာ လူအများက ၀ိုင်းပြီး ဂုဏ်ပြုသြဘာပေးခဲ့ကြ ပါတယ်။

ပုံကိုတော့ အထူးတလည် ရှင်းပြဖို့ လိုမယ် မထင်တော့ပါဘူး။

စည်သူ

AK-47 တီထွင်သူ ခါလက်ရ်ှနီကော့ဗ် အသက် ၉၄ နှစ်တွင်ကွယ်လွန်

 
► အင်္ဂလိပ်တစ်ကြောင်း မြန်မာတစ်ကြောင်း ဘာသာပြန်ပေးထားပါတယ်ဗျာ..၊ သတင်းလည်းဖတ်ရင်း ပညာလည်း ရမယ်လို့ မျှော်လင့်ပါတယ်။


__________________________________
AK-47 Inventor Kalashnikov Dies Aged 94
__________________________________

Mikhail Kalashnikov, the designer of the world's most widely used firearm, has died at the age of 94.

- ကမ္ဘာတစ်ဝန်းမှာ လူအသုံးအများဆုံး သေနတ်ကို ဒီဇိုင်းဆွဲထုတ်လုပ်ခဲ့တဲ့ မစ်ခ်ဟေးလ်ခါလက်ရ်ှနီကော့ဗ်ဟာ အသက် ၉၄ နှစ်အရွယ်မှာ ကွယ်လွန် သွားခဲ့ပြီဖြစ်ပါတယ်။

The AK-47 - "Avtomat Kalashnikov" - was created in 1947 when he was in his 20s two years after the end of World War Two and has sold an estimated 100 million worldwide.

- "Avtomat Kalashnikov" လို့အမည်ရတဲ့ AK-47 ကို ဒုတိယကမ္ဘာစစ်ကြီးပြီးတဲ့နောက် သူ့ရဲ့အသက် ၂၀ ကျော်၊ ၁၉၄၇ ခုနှစ်မှာ ဖန်တီးထုတ်လုပ်ခဲ့တာဖြစ်ပြီး ကမ္ဘာတစ်ဝန်းမှာခန့်မှန်းချေ (AK-47 ရိုင်ဖယ်ကို) သန်း ၁၀၀ လောက် ရောင်းချထားပြီးဖြစ်တယ်လို့ သိရပါတယ်။

General Kalashnikov died in a hospital in Izhevsk, the capital of the Udmurtia republic where he lived, according to a spokesman for the republic's president.

-ဗိုလ်ချုပ်ကြီး ခါလက်ရ်ှနီကော့ဗ်ဟာ သူနေထိုင်ခဲ့တဲ့ Udmurtia ရဲ့ မြို့တော် Izhevsk မှာရှိတဲ့ ဆေးရုံတစ်ရုံမှာ ကွယ်လွန်ခဲ့တာဖြစ်တယ်လို့ Udmurtia သမ္မတ ပြောခွင့်ရပုဂ္ဂိုလ်တစ်ဦးက ဆိုပါတယ်။
**(Udmurtia ဆိုတာ ရုရှားနိုင်ငံရဲ့ အစိတ်အပိုင်းတစ်ရပ်ဖြစ်ပါတယ်)

The weapon has become favoured by guerrillas and terrorists, as well as with soldiers of many armies.

- ဒီလက်နက်ကို ပျောက်ကျားတပ်ဖွဲ့ဝင်တွေနဲ့ အကြမ်းဖက်သမားတွေသာမက စစ်တပ်ပေါင်းများစွာက စစ်သည်တွေလည်း ကြိုက်နှစ်သက်ကြပါတယ်။

But he often said he felt personally untroubled by his contribution to the bloodshed.

- ဒါပေမယ့် သွေးချောင်းစီးဖြစ်ရပ်တွေမှာ ပါဝင်နေတဲ့ သူ့ရဲ့လက်နက်ကြောင့် သူ့အနေနဲ့ တစ်စုံတရာပတ်သက်ခံစားရတာမျိုးမရှိဘူးမရှိပါဘူးလို့ ခါလက်ရှ် နီကော့ဗ်က မကြာခဏပြောလေ့ရှိပါတယ်။

In 2007, he said: "I sleep well. It's the politicians who are to blame for failing to come to an agreement and resorting to violence."

- ၂၀၀၇ ခုနှစ်မှာတုန်းက "ကျနော်ကတော့ ကောင်းကောင်းအိပ်ပါတယ်။ အကြမ်းဖက်မှုတွေကို ပြေငြိမ်းအောင်မလုပ်နိုင်တာ၊ သဘောတူညီချက် ရအောင်မလုပ်နိုင်တာတွေအတွက် နိုင်ငံရေးသမားတွေကို အပြစ်တင်ရမှာပါ" လို့ သူက ဆိုပါတယ်။

Russian President Vladimir Putin praised him, saying the Kalashnikov rifle "is a symbol of the creative genius of our people".

- ခါလက်ရ်ှနီကော့ဗ်ရိုင်ဖယ်ဟာ မိမိတို့လူမျိုးတွေရဲ့ တီထွင်ဖန်တီးနိုင်တဲ့စွမ်းရည်ကို ပြသနိုင်တဲ့ သင်္ကေတတစ်ရပ်ဖြစ်တယ်ဆိုပြီး ရုရှားသမ္မတ ဗလာဒီမာပူတင်က သူ့ကို ချီးမွမ်းထောပနာပြုခဲ့ပါတယ်။

Over his career, he was decorated with honours including Hero of Socialist Labour, Order of Lenin and the Stalin Prize.

- သူ့ရဲ့တီထွင်မှုနဲ့ပတ်သက်လို့ သူဟာ ဆိုရှယ်လစ်လုပ်သားသူရဲကောင်း၊
Order of Lenin နဲ့ Stalin Prize ဆိုတဲ့ ဂုဏ်ပြုဆုတံဆိပ်တွေ ချီးမြှင့်ခံခဲ့ရပါ တယ်။

The weapon's suitability for jungle and desert fighting made it ideal for insurgents backed by the Soviet Union, and Moscow not only distributed the AK-47 widely, but also licensed its production in some 30 other countries.

တောတွင်းဒေသနဲ့ သဲကန္တာရတိုက်ပွဲတွေအတွက် သင့်တော်တဲ့ဒီလက်နက်ဟာ ဆိုဗီယက်ကျောထောက်နောက်ခံ သောင်းကျန်းသူတွေအတွက် စံပြလက်နက်ဖြစ်ခဲ့ပါတယ်။ မော်စကိုအစိုးရ (ရုရှား) ဟာ AK-47 ကို ကျယ်ကျယ်ပြန့်ပြန့် ဖြန့်ဖြူးရောင်းချခဲ့ရုံတင်မဟုတ်ပါဘူး၊ အခြား နိုင်ငံပေါင်း ၃၀ ကိုလည်း အဲဒီသေနတ် ထုတ်လုပ်ခွင့်လိုင်စင် ထုတ်ပေးခဲ့ပါတယ်။

At a ceremony marking the assault rifle's 60th anniversary, Gen Kalashnikov said: "During the Vietnam War, American soldiers would throw away their M-16s to grab AK-47s and bullets for it from dead Vietnamese soldiers."

- "ဗီယက်နမ်စစ်ပွဲတုန်းက အမေရိကန်စစ်သားတွေဟာ သူတို့ရဲ့ M-16 တွေကို လွှတ်ပစ်ပြီး AK-47 တွေကို ကိုင်စွဲခဲ့ကြပါတယ်၊ ကျည်ဆန်ကိုတော့ သေဆုံးပြီဖြစ်တဲ့ ဗီယက်နမ်စစ်သားတွေဆီက ရယူခဲ့ပါတယ်" ဆိုပြီး ချေမှုန်းရေးရိုင်ဖယ် နှစ် (၆၀) ပြည့်အခမ်းအနားမှာ ခါလက်ရ်ှနီကော့ဗ်က ဆိုထားပါတယ်။

စည်သူ

Sky news က သတင်းကို ဆီလျော်အောင်ပြန်ဆိုပေးထားပါတယ်။

the first computer, 1946

၁၉၄၆ ပထမဆုံးကွန်ပျူတာ

Warsaw Ghetto Uprising, 1943

ဓာတ်ပုံနာမည်က Warsaw Ghetto Uprising, 1943 ပါ။

၁၉၄၃ ၀ါဆောဆင်းရဲသားရပ်ကွက်အုံကြွမှုပေါ့..

ဒုတိယကမ္ဘာစစ်အတွင်းမှာ နာဇီဂျာမနီကို တွန်းလှန်ခဲ့တဲ့ တစ်ခုတည်းသော အုံကြွမှုကြီးအဖြစ် သမိုင်းဝင်ခဲ့ပါတယ်။ ဒီဆင်းရဲသားရပ်ကွက်မှာရှိတဲ့ ဂျူးတွေကို Treblinka ညှင်းပန်း ရေးစခန်းကို ပို့ဖို့ နာဇီတွေနောက်ဆုံး ကြိုးပမ်းခဲ့တာဖြစ်ပါတယ်။ ဒါကို အဲဒီရပ်ကွက်မှာရှိတဲ့ ဂျူးတွေက တွန်းလှန် ကြတာပါ။

အကြီးအကျယ်စပြီး သူပုန်ထတာ ဧပြီ ၁၉၊ ၁၉၄၃ ပါ၊ ဒါပေမယ့် လက်နက် မယ်မယ်ရရမရှိတဲ့ ဆင်းရဲသား သူပုန်တွေကို နာဇီတွေက ချေမှုန်းနိုင်ခဲ့ပါတယ်။ မေလ ၁၆ ရက်မှာတော့ အဲဒီ ဆင်းရဲသား ရပ်ကွက်လေးဟာ အပြီးတိုင်ပျောက်ကွယ်သွားခဲ့ရပါတယ်။

ဒီဓာတ်ပုံဟာ လူသိများထင်ရှားတဲ့ ဒုတိယကမ္ဘာစစ် ဓာတ်ပုံတစ်ပုံတစ်ပုံပါပဲ

စည်သူ

The Last Jew in Vinnitsa, 1941

ပုံထဲမှာပါတဲ့စာကတော့ The Last Jew in Vinnitsa, 1941 ပါတဲ့။

နောက်ဆုံးဂျူးလူမျိုးပေါ့..

၁၉၄၀ ခုနှစ်တွေတုန်းက အထင်ရှားဆုံး ဓာတ်ပုံတွေထဲမှာ

တစ်ပုံအပါအ၀င် ဖြစ်ပါတယ်။

ကျန်တဲ့ပုံတွေလည်း ဆက်ပြီး တင်ပေးသွားပါမယ်။

စည်သူ